Additional Reading Unit 20

Cover
Introduction
Main Index
Links

Unit 19

Unit 21

Unit Key 20

Unit 20

1# ἐμοῦ θανόντος γαῖα μιχθήτω πυρί.

2 οὐδεὶς ἀνθρώπων αὐτὸς ἅπαντα σοφός.

3# ἀπώλεσας τὸν οἶνον ἐπιχέας ὕδωρ.

4 τῶν πόνων πωλοῦσιν ἡμῖν πάντα τἀγάθʼ οἱ θεοί.

5# ὅπου βία πάρεστιν, οὐδὲν ἰσχύει νόμος.

6 ἐκ τριχὸς κρέμαται.

7# καίτοι τί πάσχω; βούλομαι γέλωτʼ ὀφλεῖν

ἐχθροὺς μεθεῖσα τοὺς ἐμοὺς ἀζημίους;

8 ἐνταῦθα Ξενοφῶν ὁρᾷ τοῦ ὄρους τὴν κορυφὴν ὑπὲρ αὐτοῦ τοῦ ἑαυτῶν στρατεύματος οὖσαν, καὶ ἀπὸ ταύτης ἔφοδον ἐπὶ τὸν λόφον ἔνθα ἦσαν οἱ πολέμιοι, καὶ λέγει, κράτιστον, ὦ Χειρίσοφε, ἡμῖν ἵεσθαι ὡς τάχιστα ἐπὶ τὸ ἄκρον: ἢν γὰρ τοῦτο λάβωμεν, οὐ δυνήσονται μένειν οἱ ὑπὲρ τῆς ὁδοῦ. ἀλλά, εἰ βούλει, μένε ἐπὶ τῷ στρατεύματι, ἐγὼ δʼ ἐθέλω πορεύεσθαι: εἰ δὲ χρῄζεις, πορεύου ἐπὶ τὸ ὄρος, ἐγὼ δὲ μενῶ αὐτοῦ.

9# ὅστις νέος ὢν μουσῶν ἀμελεῖ,

τόν τε παρελθόντʼ ἀπόλωλε χρόνον

καὶ τὸν μέλλοντα τέθνηκεν.

10# πέφυκε γάρ πως παισὶ πολέμιον γυνὴ

τοῖς πρόσθεν ἡ ζυγεῖσα δευτέρῳ γάμῳ.

11# ἀρετὴ δὲ κἂν θάνῃ τις οὐκ ἀπόλλυται,

ζῇ δʼ οὐκέτʼ ὄντος σώματος· κακοῖσι δὲ

ἅπαντα φροῦδα συνθανόνθʼ ὑπὸ χθονός.

12# οἰκοφθόρον γὰρ ἄνδρα κωλύει γυνὴ

ἐσθλὴ παραζευχθεῖσα καὶ σῴζει δόμους.

13# χρόνος δίκαιον ἄνδρα δείκνυσιν μόνος.

14 Egyptian regulations concerning theft

For the Greeks, the Egyptians were always a race apart whose bizarre customs and institutions seldom had parallels in the Greek world. The following is from the historian Diodorus Siculus (first century BC).

ὑπῆρχε δὲ περὶ τῶν κλεπτῶν νόμος παρʼ Αἰγυπτίοις ἰδιώτατος. ἐκέλευε γὰρ τοὺς μὲν βουλομένους ἔχειν ταύτην τὴν ἐργασίαν ἀπογράφεσθαι πρὸς τὸν ἀρχίφωρα, καὶ τὸ κλαπὲν ὁμολόγως ἀναφέρειν παραχρῆμα πρὸς ἐκεῖνον, τοὺς δὲ ἀπολέσαντας παραπλησίως ἀπογράφειν αὐτῷ καθʼ ἕκαστον τῶν ἀπολωλότων, προστιθέντας τόν τε τόπον καὶ τὴν ἡμέραν καὶ τὴν ὥραν καθʼ ἣν ἀπώλεσεν. τούτῳ δὲ τῷ τρόπῳ πάντων ἑτοίμως εὑρισκομένων, ἔδει τὸν ἀπολέσαντα τὸ τέταρτον μέρος τῆς ἀξίας δόντα κτήσασθαι τὰ ἑαυτοῦ μόνα. ἀδυνάτου γὰρ ὄντος τοῦ πάντας ἀποστῆσαι τῆς κλοπῆς εὗρε πόρον ὁ νομοθέτης διʼ οὗ πᾶν τὸ ἀπολόμενον σωθήσεται μικρῶν διδομένων λύτρων.

15# Eteocles tells his mother Jocasta that he will not yield the sovereignty of Thebes to his brother Polynices

From the Phoenician Women of Euripides

ἐγὼ γὰρ οὐδέν, μῆτερ, ἀποκρύψας ἐρῶ:

ἄστρων ἂν ἔλθοιμʼ αἰθέρος πρὸς ἀντολὰς

καὶ γῆς ἔνερθεν, δυνατὸς ὢν δρᾶσαι τάδε,

τὴν θεῶν μεγίστην ὥστʼ ἔχειν Τυραννίδα.

τοῦτʼ οὖν τὸ χρηστόν, μῆτερ, οὐχὶ βούλομαι

ἄλλῳ παρεῖναι μᾶλλον ἢ σῴζειν ἐμοί:

ἀνανδρία γάρ, τὸ πλέον ὅστις ἀπολέσας

τοὔλασσον ἔλαβε. πρὸς δὲ τοῖσδʼ αἰσχύνομαι,

ἐλθόντα σὺν ὅπλοις τόνδε καὶ πορθοῦντα γῆν

τυχεῖν ἃ χρῄζει: ταῖς γὰρ ἂν Θήβαις τόδε

γένοιτʼ ὄνειδος, εἰ Μυκηναίου δορὸς

φόβῳ παρείην σκῆπτρα τἀμὰ τῷδʼ ἔχειν.

χρῆν δʼ αὐτὸν οὐχ ὅπλοισι τὰς διαλλαγάς,

μῆτερ, ποιεῖσθαι: πᾶν γὰρ ἐξαιρεῖ λόγος

ὃ καὶ σίδηρος πολεμίων δράσειεν ἄν.

ἀλλʼ, εἰ μὲν ἄλλως τήνδε γῆν οἰκεῖν θέλει,

ἔξεστʼ: ἐκεῖνο δʼ οὐχ ἑκὼν μεθήσομαι.

μιχθήτω 3 s. aor. imp. pass. of μείγνυμι (ἐμίχθην)

ἐπιχέω (aor. ἐπέχεα) pour on/in

τἀφανῆ = τὰ ἀφανῆ

ἰσχύω have strength

ὀφλισκάνω (aor. ὦφλον) incur

ἀζήμιος, -ον unpunished

κορυφή, -ῆς, ἡ peak

ἔφοδος, -ου, ἡ way of approach

ἵεμαι rush, hasten

ἐπί (+ dat.) in command of

ἀμελέω be neglectful of (+ gen.)

κἂν = καὶ ἐάν

φροῦδος, -η, -ον gone, vanished

συνθνῄσκω+ die along with

# οἰκοφθόρος, -ον ruining a house, prodigal

# ἐσθλός, -ή, -όν good, faithful

# παραζεύγνυμι yoke, couple (in marriage)

ὑπάρχω+ exist

ἐργασία, -ας, ἡ trade

ἀπογράφομαι+ register oneself with (πρός+acc.)

ἀρχίφωρ, -ωρος, ὁ chief thief

κλαπέν acc. s. neut. of aor. pple. pass. of κλέπτω

ὁμολόγως (adv.) by agreement

παραχρῆμα (adv.) forthwith, immediately

παραπλησίως (adv.) likewise

ἀπογράφω+ hand in a list

ὥρα, -ας, ἡ hour

ἑτοίμως (adv.) readily

ἀξία, -ας, ἡ worth, value

ἀφίστημι+ hinder, stop

πόρος, -ου, ὁ way, means

νομοθέτης, -ου, ὁ legislator

λύτρον, -ου, τό ransom, indemnity (usually in pl.)

ἀποκρύπτω+ conceal

ἄστρον, -ου, τό star

# ἀντολή, -ῆς, ἡ (= ἀνα-) rising

ἔνερθεν (+ gen.) beneath

παρεῖναι aor. inf. act. of παρίημι, yield, give up

ἀνανδρία, -ας, ἡ cowardice

τοὔλασσον (=τὸ ἔλ-) the lesser (sc. portion)

ἔλαβε gnomic aorist (5.2.10 note)

τυγχάνω get, obtain

Μυκηναῖος, -α, -ον Mycenaean

δορός poetical gen. s. of δόρυ, spear (here military might)

παρείην 1s. aor. opt. act. of παρίημι

τἀμά = τὰ ἐμά

χρῆν = χρῆν ἄν

χρῆν ... αὐτόν he should

διαλλαγή, -ῆς, ἡ reconciliation

ἐξαιρέω+ accomplish

ἄλλως (adv.) on other terms

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 20

(c) Gavin Betts, Alan Henry 2001