Additional Reading Unit 22

Cover
Introduction
Main Index
Links

Unit 21

Unit 23

Unit Key 22

Unit 22

1# οὐκ ἔστιν ὅστις πάντʼ ἀνὴρ εὐδαιμονεῖ:

ἢ γὰρ πεφυκὼς ἐσθλὸς οὐκ ἔχει βίον,

ἢ δυσγενὴς ὢν πλουσίαν ἀροῖ πλάκα.

2# ἀβουλίᾳ γὰρ πολλὰ βλάπτονται βροτοί.

3# ὡς οὐχὶ συνδράσουσα νουθετεῖς τάδε.

4# πένης ὑπάρχων μὴ φρόνει τὰ πλουσίων.

5 When the Greek mercenaries mentioned in the passage given at 18.3 (The sea, the sea!) had defeated the Persians at the battle of Cunaxa but had lost their own leader, the Persian king treacherously lured the Greek generals into a trap and killed them. One of them, the Spartan Clearchus, had fought in the Peloponnesian War.

οἱ μὲν δὴ στρατηγοὶ οὕτω ληφθέντες ἀνήχθησαν ὡς βασιλέα καὶ ἀποτμηθέντες τὰς κεφαλὰς ἐτελεύτησαν, εἷς αὐτῶν Κλέαρχος ὁμολογουμένως ἐκ πάντων τῶν ἐμπείρως αὐτοῦ ἐχόντων δόξας γενέσθαι ἀνὴρ καὶ πολεμικὸς καὶ φιλοπόλεμος ἐσχάτως. καὶ γὰρ δὴ ἕως μὲν πόλεμος ἦν τοῖς Λακεδαιμονίοις πρὸς τοὺς ʼΑθηναίους, παρέμενεν, ἐπειδὴ δὲ εἰρήνη ἐγένετο, πείσας τὴν αὑτοῦ πόλιν ὡς οἱ Θρᾷκες ἀδικοῦσι τοὺς ῞Ελληνας καὶ διαπραξάμενος ὡς ἐδύνατο παρὰ τῶν ἐφόρων ἐξέπλει ὡς πολεμήσων τοῖς ὑπὲρ Χερρονήσου καὶ Περίνθου Θρᾳξίν.

6# ὡς ἡδὺ κάλλος ὅταν ἔχῃ νοῦν σώφρονα.

7# ὑγιαίνειν μὲν ἄριστον ἀνδρὶ θνητῷ,
δεύτερον δὲ φυὴν καλὸν γενέσθαι,
τὸ δὲ τρίτον πλουτεῖν ἀδόλως,
καὶ τὸ τέταρτον ἡβᾶν μετὰ τῶν φίλων.

8 Lysias' escape from the Thirty

Under the reign of terror of the Thirty Tyrants both Lysias (7.2.13) and his brother Polemarchus were arrested, and their shield factory confiscated. Polemarchus was executed, but Lysias escaped, as he graphically describes here.

καλέσας δὲ Δάμνιππον λέγω πρὸς αὐτὸν τάδε: ἐπιτήδειος μέν μοι τυγχάνεις ὤν, ἥκω δʼ εἰς τὴν σὴν οἰκίαν, ἀδικῶ δʼ οὐδέν, χρημάτων δʼ ἕνεκα ἀπόλλυμαι. σὺ οὖν ταῦτα πάσχοντί μοι πρόθυμον παράσχου τὴν σεαυτοῦ δύναμιν εἰς τὴν ἐμὴν σωτηρίαν. ὁ δʼ ὑπέσχετο ταῦτα ποιήσειν. ἐδόκει δʼ αὐτῷ βέλτιον εἶναι πρὸς Θέογνιν μνησθῆναι: ἡγεῖτο γὰρ ἅπαν ποιήσειν αὐτόν, εἴ τις ἀργύριον διδοίη. ἐκείνου δὲ διαλεγομένου Θεόγνιδι (ἔμπειρος γὰρ ὢν ἐτύγχανον τῆς οἰκίας, καὶ ᾔδειν ὅτι ἀμφίθυρος εἴη) ἐδόκει μοι ταύτῃ πειρᾶσθαι σωθῆναι, ἐνθυμουμένῳ ὅτι, ἐὰν μὲν λάθω, σωθήσομαι, ἐὰν δὲ ληφθῶ, ἡγούμην μέν, εἰ Θέογνις εἴη πεπεισμένος ὑπὸ τοῦ Δαμνίππου χρήματα λαβεῖν, οὐδὲν ἧττον ἀφεθήσεσθαι, εἰ δὲ μή, ὁμοίως ἀποθανεῖσθαι. ταῦτα διανοηθεὶς ἔφευγον, ἐκείνων ἐπὶ τῇ αὐλείῳ θύρᾳ τὴν φυλακὴν ποιουμένων: τριῶν δὲ θυρῶν οὐσῶν, ἃς ἔδει με διελθεῖν, ἅπασαι ἀνεῳγμέναι ἔτυχον.

9# The blind and exiled Oedipus asks his daughter Antigone where they have come in their wanderings.

ΟΙΔΙΠΟΥΣ - ΑΝΤΙΓΟΝΗ

ΟΙ. τέκνον τυφλοῦ γέροντος ʼΑντιγόνη, τίνας

χώρους ἀφίγμεθʼ ἢ τίνων ἀνδρῶν πόλιν;

τίς τὸν πλανήτην Οἰδίπουν καθʼ ἡμέραν

τὴν νῦν σπανιστοῖς δέξεται δωρήμασιν,

σμικρὸν μὲν ἐξαιτοῦντα, τοῦ σμικροῦ δʼ ἔτι

μεῖον φέροντα, καὶ τόδʼ ἐξαρκοῦν ἐμοί;

στέργειν γὰρ αἱ πάθαι με χὠ χρόνος ξυνὼν

μακρὸς διδάσκει καὶ τὸ γενναῖον τρίτον.

ἀλλʼ, ὦ τέκνον, θάκησιν εἴ τινα βλέπεις

ἢ πρὸς βεβήλοις ἢ πρὸς ἄλσεσιν θεῶν,

στῆσόν με κἀξίδρυσον, ὡς πυθώμεθα

ὅπου ποτʼ ἐσμέν: μανθάνειν γὰρ ἥκομεν

ξένοι πρὸς ἀστῶν, ἃν δʼ ἀκούσωμεν τελεῖν.

ΑΝ. πάτερ ταλαίπωρʼ Οἰδίπους, πύργοι μὲν οἳ

πόλιν στέφουσιν, ὡς ἀπʼ ὀμμάτων, πρόσω:

χῶρος δʼ ὅδʼ ἱρός, ὡς σάφʼ εἰκάσαι, βρύων

δάφνης, ἐλαίας, ἀμπέλου: πυκνόπτεροι δʼ

εἴσω κατʼ αὐτὸν εὐστομοῦσʼ ἀηδόνες·

οὗ κῶλα κάμψον τοῦδʼ ἐπʼ ἀξέστου πέτρου:

μακρὰν γὰρ ὡς γέροντι προυστάλης ὁδόν.

ΟΙ. κάθιζέ νύν με καὶ φύλασσε τὸν τυφλόν.

# ἐσθλός, -ή, -όν nobly-born

# δυσγενής, -ές low-born

ἀρόω plough, till

# πλάξ, πλακός, ἡ plain

ἀβουλία, -ας, ἡ lack of planning

συνδράω help in doing, collaborate

συνδράσουσα f. pple because a woman is the subject

ἀποτμηθέντες nom. pl. m. aor. pple. pass. of ἀποτέμνω+

ὁμολογουμένως (adv.) by common consent

ἐκ (prep. + gen.) on the part of

ἐμπείρως ἔχω be acquainted with (+ gen.)

δόξας nom. s. m. aor. pple. of δοκέω seem, have the reputation

πολεμικός, -ή, -όν skilled in war

φιλοπόλεμος, -ον fond of war

ἐσχάτως (adv.) to the last degree, exceedingly

διαπράττομαι+ gain one's point

Πέρινθος, -ου, ἡ Perinthus (town in Thrace)

ὑγιαίνω be in good health

φυή, -ῆς, ἡ stature

ἀδόλως (adv.) without fraud

ἡβάω be young, be in the prime of youth

Δάμνιππος, -ου, ὁ Damnippus

ἐπιτήδειος, -α, -ον friendly

Θέογνις, -ιδος, ὁ Theognis

μιμνήσκομαι (aor. ἐμνήσθην) make mention

ἀμφίθυρος, -ον possessing two entrances

ἐνθυμέομαι reflect, consider

ἀφεθήσεσθαι fut. inf. pass. of ἀφίημι+

αὔλειος, -ον belonging to the courtyard

διέρχομαι+ go through

ʼΑντιγόνη, -ης, ἡ Antigone

χῶρος, -ου, ὁ region

πλανήτης, -ου (masc. adj.) wandering

σπανιστός, -ή, -όν scanty

δέχομαι entertain

δώρημα, -ατος, τό gift

ἐξαιτέω demand, ask for

μείων, -ον (irregular compar. of ὀλίγος or μικρός) lesser, less

πάθη, -ης, ἡ suffering

τὸ γενναῖον nobility

# θάκησις, -εως, ἡ resting-place

βέβηλος, -ον allowed to be trodden

τὰ βέβηλα profane ground

# ἐξιδρύω make sit down

πρός (prep. + gen.) from

ἃν = ἃ ἄν

ταλαίπωρος, -ον wretched, miserable

στέφω encircle, crown

ὡς ἀπʼ ὀμμάτων to judge from sight

ἱρός = ἱερός

ὡς σάφʼ (=σάφα) εἰκάσαι to guess clearly

βρύω be full of (+ gen.)

δάφνη, -ης, ἡ laurel

ἄμπελος, -ου, ἡ grape-vine

# πυκνόπτερος, -ον many and feathered

# εὐστομέω sing sweetly

οὗ (adv.) where

κῶλα κάμπτω sit (lit. bend [one's] limbs)

# ἄξεστος, -ον unwrought, unhewn

προστέλλομαι (aor. προυστάλην) travel

__________ ____________ _____________ ____________________ _____________ ____________ _____________ _______________ ___________ __________ __________ __________ _____________ ________ __ _

Additional Reading Unit 22

(c) Gavin Betts, Alan Henry 2001